ഏതാണ്ട് 300 വർഷങ്ങൾക് മുമ്പാണ് ഭുവനേശ്വരിയായ ചാമുണ്ഡിദേവി തൊഴുവൻകോട് വന്നു വാസമുറപ്പിച്ചത്. തുടർന്ന് ത്രിമൂർത്തികളുടെ സാന്നിധ്യം പ്രത്യക്ഷമാവുകയും പിൽക്കാലത്തു ഇന്ന് കാണുന്ന നിലയിലുള്ള തൊഴുവൻകോട് ക്ഷേത്രം രൂപപ്പെടുകയുമാണുണ്ടായിട്ടുള്ളത്. പഴമയുടെ മാത്രം പുതുമ കണ്ടെത്തുന്ന ഈ ക്ഷേത്രത്തിന്റെ പരിശുദ്ധി ഒരിക്കൽ കണ്ടിട്ടുള്ളവർ മറക്കില്ല. എല്ലാ പൂജാവിധികളും യഥാവിധിയോടെ നടക്കുന്നു. അവ എന്തൊക്കെ എന്ന് ആരെയുംബോധ്യപ്പെടുത്താതെ തന്നെ അമ്മയ്ക്ക് സമർപ്പിച്ചു സായൂജ്യമടയുന്ന ക്ഷേത്രം. മാറാരോഗം മുക്തിയുടെയും സന്താനസൗഭാഗ്യസമൃദ്ധിയുടെയും സ്വപ്ന സാക്ഷാത്കാരമായ ഈ ക്ഷേത്രം. കലിയുടെ ബലിക്കല്ലിൽ കഴുത്തു നീട്ടാതിരിക്കാനുള്ള ഏതൊരു ഭക്തന്റെയും അവസാനത്തെ അത്താണിയാണ്. ചുവന്നപട്ടും, ചുവന്നഹാരവും, കരിങ്കോഴിയും ഇവിടെ കരിങ്കാളിയമ്മയ്ക്ക് പഥ്യമാണ്. മനംനൊന്ത് വിളിച്ചാൽ അമ്മ കൈവിടില്ല. സ്വന്തം വാഹനത്തോടുകൂടിയുള്ള നവഗ്രഹപ്രതിഷ്ഠ മറ്റെവിടെയും നമുക്ക് കാണാൻ കഴിയില്ല. ശനിയെ തൃപ്തിപ്പെടുത്താനുള്ള നവഗ്രഹപൂജ ഇവിടെ വിശേഷപ്പെട്ടതാണ്.